الله اللي راد والعقده قطعها اللي عقدها***لا على الدنيا سلام ولا لباقي العمر زينه
الفضا ما كنه الا خيمة طاحت عمدها***والفرح ماكنه الا شيخ انقصت ايدينه
والعمر قطعة زجاج انكسرت ولا طال امدها***والعرب في العيد بدموع اليتامى مستهينه
والشوارع لفّها ثوب الظلام اللي هجدها***والبيوت اطلال من عقب المحبه والسكينه
والشتا والليل والبرد وسما يصرخ رعدها***والعيون اللي ورا الشباك مذعوره حزينه
طولو في الكهف الاصحاب وبقت روحي وحدها***كنها في كوكب ثاني خلا من ساكنينه
الوداع اللي بعلم العين يعبر من رمدها***والوداع اللي بلا علم القفا الصدر غبينه
والوداع اللي بلا رجعه على امر وادهى***والله انه غرغرة سم وسكاكين سنينه
والعنود اللي جفيت الناس والدنيا بعدها***مدت الفرقا لغاليها وهي تعطي الثمينه
والعنود اللي جفيت الناس والدنيا بعدها***مدت الفرقا لغاليها وهي تعطي الثمينه
وينها كيف اتركتني ليه ماجت في وعدها***والقمر لا طل خابرها تجي بيني وبينه
رحت انادي واتلمس في مهب الريح يدها***كني حصان بلاصاحب طوى البيدا حنينه
رحت اصيح الصبح وينه والعرب مارد احدها***ماسمعت الا صدى صوتي يقول الصبح وينه
كنهم من يوم ذيك الشمس غابت عن بلدها***طلعوني في النفود وصكو ابواب المدينه
كنهم من يوم ذيك الذاهبه محد وجدها***كل رجال من الشرهه قراه الدرب عينه
اثرها ماتت وماتت كل فرحه في مهدها***والربيع اقفت به اللي كانت التاج لجبينه
جاورت عقب الحدايق حفرة مقسى لحدها***حفرة ماني مصدق كيف ضمت ياسمينه
للحزن فيني مثل مافي للطهاره في جسدها***ويش اسوي لا فتشت اللي لها وسط الخزينه
زخرفت حلم وبنت له مسكن وسمت ولدها***اه لو غرد ولدها في خميلة والدينه
عاهدتني واظفرت بي يمين اقوى من عهدها***والصبي لاخير فيه ان كان مانفذ يمينه
ماتثقا عن رثاها عرق اكتظ بشهدها***ولا تبقّى خلف قضبان السجن عذرا سجينه
كيف عند العالم ايام العزا محصى عددها***ولا انا طالت شهوره والله اعلم كم سنينه
لا الثرى فيها نبات ولا المشي خفف نكدها***لا السماء فيها طيور ولا البحر يمه السفينه
لا القمر هذا مساه ولا العصي هذا رغدها***لاالزهر هذا شذاه ولا الذهب هذا رنينه
قالو الشيخ الفلاني مرجع القوم وسندها***قال يبشر بالعوض والعلم جينا ناقلينه
ساق لك بدر البدور اللي نشدها من نشدها***جادل هزت عروش وخيبت روس دهينه
قسمها في رسمها في جسمها الا في رشدها***واسمها انجال الغضب قومه على الالسن رطينه
اترك الناي وعطية شيخنا غن لسعدها***وانبسط ياعم وانسى اللي ورا التربه دفينه
قلت ولصدري تناهيد تروع من شهدها ***اه وا ويلاه من يجذب على قلبي ضنينه
خلو اغلى ذاهبه ترعى ربيع اللي فقدها***والعطا راعيه محد صوبه الله لا يهينه
لو ضمنت الجنه تفاحة القلب وشهدها***قلت من بكره عسى مجنونها توقف سنينه
الذاهبه 
النمط الخطي
