يمه
طق الجرس
وجيت أركض على قبرج

تضميني ؟
تضميني على صدرج

تضميني مثل أول لي جيتلج أركض؟
وتحطي راسي بحضنج ؟

تبوسيني على راسي
تشربيني كوب الماي بيدينج ؟
تشوفي أوراق كرّاسي ؟


يمه
شوفي هالواجب
صعب ماقدر على حلّه

يمه

شوفي ذاك الدرس

ماني فاهمه كلّه

يمه
ضعت من دونج

دربي ضاع ما ادلّه




يمه
اليوم كلهم جـَوّ
كل طفلٍ معاه أمه

تضحكله وهو فرحان
يجاوب صح تصفقله
تسأل عنه الابله تقول
مثل ولدج ترا قِلّه

وانا وحدي بآخر صف
طيفج ينتحل فكري
اشوفج جالسه يمي
واقول شوفوا
شوفوا
ترا هذي إهي أمي أتلفت يمين

..شمال

.وينج ليش مو يمي ؟
ليه الهم فيني زاد
منهو بيحتضن همي ؟


يمه
رحت انا للسوق
شريت لحالي هدوم العيد
لبسي كله صار جديد

وصار بكرى يوم العيد
جيت اركض على دارج
بقول كل عام وانتي بخير
لقيت العام كله راح
وماظل فيه من بعدج خير

يمه
بروح للألعاب
توديني ؟
مثل أول بيوم العيد كنا نروح
كنا نركب الصندوق
نطلع كلنا ونرد
وطلعتنا ترد الروح


يمه
حيل أنا مشتاق


يمه
حيل انا مشتاق
والله أني إصغيّر

مــا أقوى ألم لِفـْراق




شوفي الدمع لج يحكي
يروي قبرج الطاهر
ومن آهاتي لج يشكي


يمه
أبوي ما يضحك

واختي بدارها تبكي



يمه
بيتنا مُظلم

نور الشمس ما يكفي
نورج ليه عنّا غاب ؟
كل نورٍ وراه يطفي

يمه
مدي إيدينج
حطيها على كفي

ابي ألمس دفاج بيوم

وعلى صدرج ابي أغفي

يمه
خلي هالحفرة
قومي إطلعي منها

يمه
ردي إلبيتج

ترجيتج ترجيتج
يمه
ردي إلبيتج


وينه حضنج الدافي ؟
يذيب الثلج في دروبي
يدفيني بعز البرد
يحضن رعشة جنوبي


يمه
خلاص مو كافي ؟


يمه
ليه ماتردين ؟

يمه
ليه هذا الصمت

يمه
أنا اتكلم

ليه انتي ماتردين

معقوله يمه ما تدرين

اني قاعد اتكلم ؟


يمه ,

خلاص رحتي ؟

خلاص ماعاد لي جنه

في هالدنيا اعيش فيها

خلاص غبتي ؟

خلاص ما عادلي شمس

ٍتزيل الظلمة تمحيها



يمه ,

من بعدج يواسوني

قالوا نلتقي بكرى

أنا ما بي أجي بكرى


ابيج اليوم لي وحدي
أبي اقعد بهالحفره

يمه
دَني إشويه

بنام يمج بهالحفره.......

حنينــ الشوقــ

يمه ,

من بعدج يواسوني

قالوا نلتقي بكرى

أنا ما بي أجي بكرى


ابيج اليوم لي وحدي
أبي اقعد بهالحفره

يمه
دَني إشويه

بنام يمج بهالحفره.......



كلمات يقف عندها الانسان

يضعف امامه القلب

يبكي منها كل البشر

صورة وكلمات معبرة

حنين الشوق ابدعتي في هذا الاختيار والانتقاء


تحياتي ... لك

صمت الرحيل

مرورك العـــذب

ادخل البهجة على ثغري

تسلم اخوي ولاهنت على تواجدك

ودي ووردي
حنين الشوق

مشكوره حنوني

قصيده راائعه

تحمل الكثير من الحزن

وفوق هذا فهي تفوق الوصف في روعتها

يمه ,

من بعدج يواسوني

قالوا نلتقي بكرى

أنا ما بي أجي بكرى


اللهم احفظ ابائنا وامهاتنا

و طول اعمارهم

الف شكر اختي


حنين الشوق


الصراحة كلام جدا مؤثر

عور قلبي حييل

نايسلحضورك روعـــه أعجز عن وصفهـــا ..

ولعباراتك وردودك جمال يفوق روعة كل حرف أخطه ..

أسعدني تواجدك العذب هاهنا بين زوايا متصفحي المتواضـــ ع ..

كـــوني بالجوار دائمــــا ..

فحروفي تنتظر ذلك الحرف الشجي الصادق الصادر منك على أحر من الجمـــر ..

عبق ورودي لكي أيتها الأخت الــغاليه ..

ام هنادي
ياشمعـــتي المضيـــئه ..!!

تواجـــدك الرائـــع والمميـــز كالعـــادهـ

كنسمة الربيـــ ع التي تنعش متصفحاتي المتواضـــعه ..

وتضفي الجمال والرونق إليها ..

فلا تحرميني روعة حضورك المشرق الراقي أيتها الغــــاليه ..

لا عــــدمنــــاكـ

محبتــــكـ
حنينــ الشوقــ

رووووووعه ومؤثرررره

مشكوووووووره حنونه


يعطيكي العافيه

تشرفت بتواجدك في متصفحي
فقد زدتيه نورا ورونقه
لاحرمنا مرورك يالغاليه
ولكي مني خالص الاحترام والتقدير