بسم الله الرحمن الرحيم

اول شي الخشم هو الانف نسبة الى انف الناقه حيث قال الشاعر :
وهل يساوي بأنف الناقة الذنب ؟ وكذلك قول الشاعر
الآخر ..اشوفها ياناس بس تبتعد عني ..امد ايدي لها تعبس بوجهها والشاعر
يحكي معاناته التي جلبها له خشمه مع حبيبته

والآن بعد ان عرفنا الخشم راح نذكر لكم انواع الخشوم بالنسبه للرجال
والنوع الاول منها :
هو الخشم اللي يجي متعلق في الوجه واحيانا ياخذراحته فيه وينسدح وهذا ما اطلق عليه العلما ء الخشم المدلع وفيه نوع ثاني: هو الخشم اللي متعلق في الوجه برضوه ولكنه لم ياخذ راحته يعني كنه لمبه قلاويز حقت قصور الافراح وفيه الخشم اللي يجي طويل شوي كنه يد افغاني يبي يسلم (خشمي ينتمي الى هذا النوع ) وهو نوع كويس بس عيبه انه يسبب مشاكل لراعيه مثلا انا ما اقدر اصك الدرايش عشاني دايم اصك على خشمي
ومره جيت عمارة المملكه اللي في الرياض ابي ازور ولد عمي سعيدان وكان عزوبي جاي بعثه من شقراء للرياض عشان يكمل دراسته فيها (متوسطه ليلي ) وكان سعيدان الله يغربله ساكن في غرفه فوق السطوح السالفه يوم ركبت الاصنصير اول واحد ركب معي هندي وكان يبي الدور الثالث بيني وبينكم انا استقويت عليه وقلت وين ياصديق الدعوى فوضى ولا فوضى يعني انا جاي قبلك يعني بالدور اطلع قبلك (اسمع بالنظام ) الهندي خاف مني وقال مافيه مسكل وطبعا من الطفاقه قربت شوي من الباب وعطيت الهندي ظهري عشان اول مايفتح اطلع قبله. ضغطت الدور الاخير وتسكر الباب بس ايش ....سكر على خشمي ...وانا اللي اكتم زعقتي واعض براطمي من الوجع مستحي من الهندي ( مابقى الا اصيح قدام هندي) المهم تحرك اللفت وبدا يطلع فوق وخشمي يصقع في الادوار ويحك ومع الحك طلع شرار وانا عيوني تدمع واقعد اصقع في الباب من الحره على بالي اطبل و منهااغطي على صوت صقعات خشمي في الجدران وانا اتصبر واغني لمحمد عبده ايوووووووووه عشان آقدر اخذ راحتي في الونين عشان الهندي مايدري ( ياشين الواحد اذ سوى فيهاعزة نفس ) ويوم وصلنا الدور اللي قبل قبل الاخير وانا ماعاد اقدر اتحمل خلاص ..بس قلت ياولد تصبر هانت مابقى الا دورين واصبر شوي خلاص فرجت مابقى الا دور..هانت ياولد وما دريت الا الهندي الله يغربله شم ريحة حريق وشاف دخان يطلع من بين الباب قام وضغط زر انذار الحريق اللي في اللفت لحظتها وقف اللفت ..طبعا خريت ذيك البتسوه اللي روعت الهندي وحسبني خايف من الحريق وجايبي يحضني عشان يهدي من روعتي ويقولي مافيه خوف بابا الهين سورطه يزي مافيه خوف وقتها اغمى علي بس مو من الالم من ريحة الهندي ...
المهم صحيت في المستشفى وقدامي سعيدان ولد عمي ولقيت خشمي ملفف كنه بزر ممهد بس مو اي بزر كنه بزر بالغ
قص علي سعيدان ان فيه حريق صار في العماره وان الدفاع المدني جا واني انا الوحيد اللي جته حروق في خشمي وان الدفاع المدني والشرطه يحققون في الحادث عشانهم يشكون انه مفتعل ووووو انا حطيت رجلي ودعست لابوك لابو اللي يسوي على باله واصل .
_كذلك انصح رؤساء الانديه اللي عندهم لعيبه خشومهم زي هذا النوع انهم ينسقونهم عشانهم اذا لعبوا هجوم سببوا التسللات على فريقهم واذا لعبوا دفاع كسروا مصيدة التسلل وخربوا الخطه واذا لعبوا وسط يمكن يسبب احراجات له مع الهجوم حيث يمكن يسبب خشم لاعب الوسط احتكاك في ظهر المهاجم خويه بحسن نيه بس وش يثبت لكن خويه يمكن يمشيها بيقول انه يمزح لكن في حالة الهجمه المرتده على فريقه
هل تعتقدون ان مهاجم الفريق الاخر راح يمشيها ..؟؟
هذا ما تنفيه تجربتي يوم كنت العب في دوري المدرسة يوم كنت العب لفريق فصلنا وكان رقم فنيلتي 60 ورقم الشورت 5 بس اشوى ان مدرس الرياضة مادرى عشان شورتي كان وصخخخخخخخخخ
وفيه النوع الثاني اللي نفس الشخص متعلق فيه يعني كن الجسم نابت من الخشم
هذا النوع يفضلنه البنات السعوديات ويتمنون ان شريك حياتهم(عز الله انه خسران ) يملك مثل هذا الخشم والسبب يعود الى مزاياه الرهيبه مثلا اذا صايحوا عيالها يمديها تخليهم يوسعون صدورهم ويتزحلقون عليه بدال مايروحون للملاهي ويخسرون خساير مالها داعي الشي الثاني ان زوجها اذا طلع بوكه من مخباته مايقدر يعد الفلوس اللي يبي يعطيها لمرته وهي بالنيابه تاخذ اللي يكفيها (ايه طل قال ايش قال اللي يكفيها) وبعض الازواج اذا اكتشف ان مرته تستغل هذي النقطه يمكن يسوي عملية تجميل لخشمه بس المشكله اللي تواجه هاللي يسوون عمليات التجميل ان الواحد اذا خفف من خشمه طاح على ورا نرجع ونقول اهم شي الاخلاق والراحه النفسيه
(وش دخل ذي مدري بس ومسكت معي اكتبها )

اعزائي : هذي انواع الخشوم اما فوائدها ولا راح نتطرق ابدا لمحتوياتها عشاني توني متعشي والكيبورد جديد ولا له اي داعي الخساير فمعروف ان الخشم هو عشان نشم فيه لكن السعوديين ابتكروا استخدامات اخرى للخشم (تحيه للرجل السعودي ) اهمها قطع وقت الفراغ فمثلا الواحد اذا وقف عند اشارة المرور وش يسوي؟ يقرا؟؟ لا ..ياخذله قيم (كم مره اذا ضيعت اجي ابي اسال عن العنوان عند الاشاره واذا شفت هالعالم هونت )
وفيه البعض او الاغلبيه مايخش جو ولايسرح بفكره (ماطلع فكر طلع غنم )
الا وهو يمارس هالعاده .
وبعضهم مايعرف يفكر الا اذا دخل اصبعه في خشمه تدرون ليش ؟؟....عشان يحرك مخه


تحياتي

منقووول

هههههههههههههههههههههههههههه

بس الجمله الاخيرة واااع

ههههههههههههههههههههههههههه

تسلمين هياام علىا انواع الخششوووم

يعطيك الف عاافيه

هههههههههههههههههههههههههههه

تسلمين على انواع الخشوم

هههههههههههههههههههههههههههههه


بس ياليت ياهيومه ارفقتي بعض الصور التوضيحيه

علشان اللي مافهم يفهم

هههههههههههههههههههههههههههههههههههههههههههه

مشكوره يالغلا