تعودني عليك أيام أبد ما أفارقك ليله
و إذا عنك أروح اليوم أقول لك نلتقي باكر
تعودني على لطفك على أسلوبك و تدليله
و تتوقع أنا بحيا بدونك يوم بتسافر
أنا ما ودي أشكي لك و لكن قلت الحيله
أليمه فرقتك والله و أنا على البعد مب قادر
دخيلك أجل الموعد إذا تقدر على تأجيله
دخيلك حط دمعاتي في عينك قبل ما تسافر
يا شين الوقت في بعدك دقيقه كنها ليله
شيصبرني و أنا أحبك و مثلك في البشر نادر
تعلق قلبي بقلبك يسمع منه و يحكي له
تدلل قول بس اطلب أقول لك غالي و تامر
أنا مدري إذا قلبي رفض يصبر شسوي له
تخيل حالتي بعدك أنا تحطمت على الآخر
أكلم نفسي في غيابك ألوم القلب و أشكي له
و أصبر نفسي بالقوة و أقضي الليل أنا ساهر
أنا أتمنى قبل لا يروح يلمس دمعي منديله
أبيه يحس بإحساسي أبيه يقـول لي تامر
أبي حضنه يدفيني خليل يـودع خليله
وأقـــول بصوت به شهقه..فمان الله يا مسافر
وأرجع من المطار وحدي يشلني الهم وأشيله
شيصبرني أنا شهرين وهو بس توه مسافر
عزاي إنه أخذ قلبي في وسط عيونه يشيله
وأنا أصبحت في بعده وحيد و أكسر الخاطر
اميـــره بكلمتــــي
××تـــــــ ع ـــــودني ع ــــليك ×× 
النمط الخطي
